BUILT BY CHRIF
قصتنا
وراء CHRIF كاين راجل واحد: حميد، اللي كيعرفوه الناس بـ«الشريف». حياة كاملة فصناعة الصباط، فمدينة فاس.
1960 · 8 سنين
عند المعلم
تزاد حميد سنة 1952، وملي كان عندو 8 سنين دخل متعلّم عند واحد المعلم ديال الصباط ففاس. فالمحل ديالو، حداه، تعلّم الصنعة نهار بنهار.
1963 – 1970
خيّاط قبل كلشي
من 11 حتى 18 عام تعلّم الخياطة وولّى خيّاط. ومن بعد تعلّم المونتاج وكاع المراحل ديال الصناعة، وبقى كيخدم مع الناس فمحلات المدينة.
1976 · 24 عام
طاح ونوض
وعندو 24 عام حلّ المحل الأول، ومن بعد الثاني والثالث. طاح وخسر ونوض عاوتاني، وعمرو ما حبس.
حوالي 1981 · واد الصوافين
البداية الحقيقية ففاس
المحل ديالو ناض بصح فواد الصوافين، فالمدينة القديمة ديال فاس. تمّا ولّى كيصنع الصبابط ديال السطور والصنادل الكاليفورنية، وكيكوّن الخيّاطة ديالو.
فالمحل ديال المدينة القديمة: الشريف على ماكينة لا بلاك، قدّامو الصنادل الكاليفورنية. 
على ماكينة البلاص الصغير، كيخيّط الصبابط ديال السطور، زوج بزوج. 1994 · سيدي ابراهيم
المعمل
سنة 1994 طلع للحي الصناعي سيدي ابراهيم. تمّا المعمل كيصنع الصميلة ديالو بوحدو، وكيصنع الصبابط والصنادل والصابو.
اليوم
الجيل الجديد
أكثر من 60 عام من بعد ما بدا، ولادو كيوصّلو الصنعة ديالو للناس عبر الإنترنت. وكل زوج CHRIF فيه التوقيع ديالو: Built by Chrif.
