حنا معاك

ختار الموديل واللون والمقاس، ومن بعد عمّر الفورمير. وتقدر حتى تكوموندي نيشان فواتساب.

كنعيطو ليك ولا كنكتبو ليك فواتساب باش نأكدو المقاس والعنوان. ومن بعد كيخرج الكولي وكيوصلك فـ 24 حتى 72 ساعة.

عند الاستلام، كاش، ملي يوصلك الكولي. ماكاين حتى خلاص أونلاين.

إيه. حل الكولي قدام الليفرور، شوف وقيس الجلد. وماكتخلّص غير إلا عجبك كلشي.

من 24 حتى 72 ساعة على حساب المدينة (حتى 5 أيام للمناطق البعيدة).

لا، التوصيل فابور فكاع المغرب. الثمن اللي كيبان هو الثمن النهائي.

استعمل دليل المقاسات (الرسم + الحاسبة)، ولا صيفط لينا طول رجلك فواتساب ونعاونوك. المقاسات الموجودة: من 40 حتى 44.

كتب لينا فواتساب فـ 7 أيام من بعد التوصيل. كنصيفطو ليك المقاس المزيان، وكتخلّص غير التوصيل (تقريبا 30 درهم). الصباط مايكونش تلبس برا، وفالبواط ديالو.

إيه. عندك 7 أيام من بعد التوصيل باش تبدل رايك. كتب لينا فواتساب، ورجع الصباط مايكونش تلبس برا، فالبواط ديالو (مصاريف الرجوع عليك، تقريبا 30 درهم). ملي يوصلنا ونشوفوه، كنرجعو ليك فلوسك بفيرمون فـ 7 أيام. عيب فالصناعة: الرجوع فابور والفلوس كاملين.

إيه. الموكاسان والصابو ديالنا جلد طبيعي، مقطوعين ومخيطين فالمعمل ديالنا ففاس. الصميلة PVC expansé (الموكاسان) ولا بوليوريثان (الصابو)، خفيفة ومريحة. ولداخل، فرشة EVA رطبة وخفيفة كتريّح الرجل فكل خطوة.

الموديلات اللي كاينين دابا للرجال. وقريب غادي تجي كولكسيون ديال العيالات.

مسح بشيفون رطب شوية، وخليه ينشف فالهوا، بعيد على الشمس والشوفاج. وكريمة ديال الجلد بلا لون من وقت لوقت كتخلي الجلد رطب ولامع.

مازال: دابا كنبيعو نيشان من المعمل ديالنا، أونلاين. وقريب غادي نحلو محل ففاس.

إيه، من سيري ديال 12 زوج (موديلات ومقاسات مخلطين)، للمحلات والصيدليات والفنادق والمصحات. كلما كبرات الطلبية كيتنقص الثمن. طلب الأثمنة فصفحة البيع بالجملة.

إيه، من 100 زوج: كنطبعو اللوغو ديال الفندق ولا المصحة ولا الشركة ديالك على الصباط. تواصل معانا باش نعطيوك الثمن.